| Улаан-Удын Краснофлотско yйлсын 50-дахи гэрэй ара талаhаа yнгэтэ шэрэ зурагуудаар шэмэглэгдэhэн ханые зубшан, yyдэ татажа ороходомной, хyyгэдэй хyхюун, солгёон дуу шуун угтаба. Уйтаншаг коридоороор ябажа, хэшээлнyyдэй болодог таhагууд соо зарим хyyгэдэй зуража, элдэб урлал бyтээжэ, томо шэлнyyдтэй зал соо хатарта hуража, нyгоодэ таhагта столой теннис, бильярд наадажа байхые харабабди. Байгуулагдаhаар 35 жэл боложо байhан хyyгэдэй "Эллада" тyбэй директор Светлана Эрдынеевна хоорэнэ. -Нэмэлтэ hуралсалай yyргэ бэелyyлдэг манай тyбтэ ниислэл хотын 12-дахи, 18-дахи, 25-дахи, 32-дахи, 56-дахи hургуулинуудай шабинар гол тyлэб ябадаг. "Эллада" тyбнэй yншэн, эхэ эсэгын харууhагyй хyyгэдтэ туhалхые оролдодог.Загарайн аймагта оршодог "Чайка" гэhэн амаралтын лагерьта тиимэ хyyгэдые тyлооhэгyйгоор 21 yдэр соо амаруулаабди. Тyбэй нэгэ ханаар дyyрэн элдэб диплом, грамота, баярай бэшэгyyд харагдана. "Элладада" хyyгэдээ асарhан залуу эжынэр Светлана Цыбенжабон ба Людмила Будаева хоёртой танилсабабди. -Хyyгэдээ заал hаа, буряад хэлэндэ hургаха гэжэ шиидээбди гэжэ хэлэнэ. Арюна, Аяна, Алтана басаднай буряад дуунуудые, шyлэгyyдые сээжээр мэдэдэг болоо. Эндэ дуулажа, хатаржа, зyжэглэн наадажа байгаад, тyрэл хэлэндээ бэлэхэнээр hураха гээд найданабди. "Эллада" тyбэй бyхы багшанарта халуун баяр хyргэнэбди!. Иимэ абьяс бэлигтэй багшанар, урагшаа hанаатай, буряад сэдьхэлтэй тyрэлхид олон болоhой, ууган hайхан хэлэеэ сэгнэжэ, гамнажа, yргэжэ ябахын тyлоо буряад хyн бyхэн оролдоhой!
Туяна Самбялова.
Источник: http://Статья из газеты "Буряад Yнэн" № 41 от 17.10.2013г | 